Rules of Zoovenia 2019 Synopsis

Rules of Zoovenia 2019 Synopsis (ဘဝရဲ့နေ့သစ်များ)
*********************************************************
ဒီတစ်ခါကတော့ biography ဆန်ဆန် Xiao Qing ဆိုတဲ့ကောင်မလေးတစ်ယောက် လူ့ဘဝမှာ တွေ့ကြုံလာရမဲ့အခက်အခဲတွေ ဖြတ်သန်းပုံတွေ သူ့ဘဝရဲ့ နေ့စဉ် နေ့ဒဓူဝ တွေ့ကြုံရပုံတွေကို ရိုက်ပြထားတာပါ။

ဆိုတော့ Xiao Qing ဆိုတာဘယ်လိုကောင်မလေးမျိုးလဲ ဘယ်လိုထူးခြားချက်တွေရှိနေလို့လဲ။

ပြောရရင်တော့ ဘဝကိုရိုးရိုးရှင်းရှင်းဖြတ်သန်းနေတဲ့ပုံမှန်ကောင်မလေးတစ်ယောက်ပါပဲ ။
ဘာမှထူးထူးခြားခြားမရှိပါဘူး။
သူက လူမှုဖူလုံရေးစင်တာမှာ ငယ်ငယ်လေးတည်းကအလုပ်ရခဲ့တယ်။ ကံကောင်းစွာနဲ့ပဲ အဆင့်မြင့်ကျောင်းတစ်ခုမှာ ပညာဆက်သင်ခွင့်ရခဲ့တယ်။
အလုပ်တစ်ဖက်ကျောင်းတစ်ဖက်နဲ့ ရုန်းကန်လှုပ်ရှားနေရတဲ့ကောင်မလေးတစ်ယောက်ပါပဲ။
ထိုအချိန်မှာပဲ သူ့နှလုံးသားကို လှုပ်ခပ်နိုင်တဲ့သူလည်းပေါ်လာခဲ့ပါတယ်။
အလုပ်ကတစ်ဖက် ကျောင်းက အတိုက်အခံ အပြိုင်အဆိုင်တွေကြား သာမန်လူတစ်ယောက် ရုန်းကန်လှုပ်ရှားဖို့ခက်ခဲတဲ့ပတ်ဝန်းကျင်တစ်ခုမှာ Xiao Qing ကတော့ငယ်ငယ်က အလုပ်လုပ်ခဲ့တဲ့အတွေ့အကြုံတွေကြောင့် ကောင်းစွာစီမံနိုင်ခဲ့ပါတယ်။
သူငယ်ချင်းကောင်းတွေလည်းရလာပြီး သူမရဲ့အတွေ့အကြုံကောင်းတွေ ပညာတွေကိုလူအများကြီးဆီ ဖြန့်ဝေခွင့်ရခဲ့ပါတယ်။

ဒီကားကိုဘာလို့ကြည့်သင့်လဲ။

Admin ကတော့ SK fan တွေကိုပြောပြချင်တာက အခုအများစုတင်ဆက်နေတဲ့ ရိုမန့်တစ် ဟာသ သိုင်းကား ဒါမျိုးလေးတွေကနေ ခဏတာခွဲထွက်ပြီး
ဒီလိုကားမျိုးလေးတွေကြည့်ကြည့်ပါ။
ဘဝမှာ လူတော်ဖြစ်ဖို့လွယ်ပါတယ် လူကောင်းဖြစ်ဖို့တော့ခက်တယ်။
သူ့သဘောလူ့မနော လူ့ပတ်ဝန်းကျင်မှာ သဟဇာတဖြစ်အောင်နေဖို့ လူတိုင်းကြိုးစားနေရမှာပါ။
အပိုင်းကလည်း ၂၄ ပိုင်းတည်းမို့ တစ်အားကြာမှာမဟုတ်ပါဘူး။
Xiao Qing တစ်ယောက် သူ့ဘဝ သူ့ခဏ ဘဝဇာတ်ခုံပေါ်က အရှုပ်အရှင်း အကွေ့အပြောင်းတွေကို မင်မင်နဲ့အတူတူ လိုက်ပါ ကြည့်ရှုကြရအောင်။

Review by YeYint